ဒေလီ၊ ဇန်နဝါရီ-၂၉-၂၀၂၅
ရတီ(VOM)
အိန္ဒိယနိုင်ငံမြောက်ပိုင်းမှာ ဘာသာရေးပွဲတော်တခုအတွင်း လူအုပ်ပြိုကျပြီး တက်နင်းမှုကြောင့် လူတဒါဇင်ထက်မနည်း သေဆုံးသွားကြောင်း ဆေးရုံတာဝန်ရှိသူတွေက ပြောပါတယ်။
ဒီဖြစ်စဉ်အတွင်း လူဘယ်လောက်ထိခိုက်ဒဏ်ရာရသွားတယ်ဆိုတာ အတိအကျမသိရသေးဘူးလို့ ဆိုပါတယ်။ ကမ္ဘာ့အကြီးဆုံး ဘာသာရေးပွဲတော်တခုဖြစ်တဲ့ Kumbh Mela ပွဲတော်မှာ ဂင်္ဂါမြစ်နဲ့ ယမုံနာမြစ်တို့ဆုံရာမှာ လူသန်းနဲ့ချီပြီး ရေချိုးခြင်းပြုကြတာဖြစ်ပါတယ်။
လက်ရှိဖြစ်ပွားခဲ့တဲ့ မတော်တဆမှုအတွင်း လူ ၁၅ ယောက်သေဆုံးခဲ့ပြီး ဒဏ်ရာရသူတွေကို ကုသပေးနေတယ်လို့ ပရာယာဂရာ့ဂ်မြို့ ဆေးရုံတာဝန်ရှိသူက ပြောပါတယ်။
ဒါဇင်များစွာသောလူများဟာ ပွဲတော်အနီးထားရှိတဲ့ ယာယီဆေးရုံအပြင်မှာ သတင်းစောင့်ဆိုင်းနေကြပါတယ်။ လူစုလူဝေး ထိန်းချုပ်တဲ့ အရံအတားအချို့ပြိုကျပြီးနောက် လူအုပ်ပြိုမှုစတင်ဖြစ်ပွားခဲ့တာလို့ တာဝန်ရှိသူတွေက ပြောပါတယ်။
ပွဲစီစဉ်သူတွေကတော့ ဖေဖော်ဝါရီ ၂၆ ရက် နောက်ဆုံးနေ့မတိုင်ခင် လူပေါင်း သန်း ၄၀၀ လောက် ယခုနှစ်ပွဲတော်ကို လာရောက်ဆင်နွှဲမယ်လို့ ခန့်မှန်းထားကြပါတယ်။ ၁၉၅၄ ခုနှစ်က ပွဲတော်ကျင်းပချိန်ကလည်း လူအုပ်ပြိုကျမှုနဲ့ ရေနစ်ခြင်းတို့ကြောင့် လူပေါင်း ၄၀၀ ကျော်သေဆုံးခဲ့ဖူးပါတယ်။
Ref:CNA
Photo:Reuters
